HAAN , MUJHE TUMSE MOHABBAT THI...

tum aaene ki aaraish mein jab khoi hui si thi,
khuli aankhon ki gahri neend mein soi hui si thi,
tumhein jab apni chahat thi,
mujhe tumse mohabbat thi,

tumhare naam ki khushboo se jab mausam sawarte the,
farishte jab tumhare raat din lekar utarte the,
tumhein paane ki hasrat thi,
 mujhe tumse mohabbat thi,

tumhare kwaab jab aakash ke taaron mein roshan the,
gulaabi akhdiyon mein dhoop thi,aanchal mein saawan the,
bahuton se rakabat thi,

mujhe tumse mohabbat thi,

tumhara khat mila,

 main yaad hoon tumko,

 inayat hai,

badalte waqt ki lekin har dil pe hukumat hai,

vo pehle ki haqiqat thi,

mujhe tumse mohabbat thi......


(its a poem by nida faazli,one of the best shairs of modern india)

"MAIN AUR PIGHALTA CHAAND"

main coffee aur pighalta chaand,
ek saath chat par bore hote hue,
sochte hain bas yahi,
kaun kiska anjaam dekhega,

yaa chaand pighal jayega,
yaa coffee khatm ho jayegi
yaa main so jaunga,
har koi khud mein adhura sa
poora saath dete,ek doosre ka,

bina doodh ki coffee
jise doodhiya karti chaadni,
tanha chaand ko behlate mere gardish ke sitare
aur mujhe jagati ye kaali coffee,
ek doosre ki tanhaiyan baatte,

is sooti duniya par haste hum teen,
kyonki savere ye duniya hum par hasegi,

par kya karoon agar raatein mera savera hain,
aur do raaton ke beech ye din akela hai,
jaise do ghaaton ke beech patli si dhaara,
ghaat nahi chalte,dhaara badh jaati hai,
dhaara badh k samandar se mil jaati hai
ghaat,ghaat hi rahtein hain
dhaara samandar ban jaati hai,

par gar samandar hi anjaam hai,to sanshay kaisa?
na kinaare,na mod,naa baandh,
apni leharon se khelna,
khud ko doobana ubaarana,
bina bandisho ke jeena,
aur jeene ke liye bandishe laagh jaana,
khud ko todte jodte rehna,


aur coffe khatam ho gayi,
bache bas main aur chaand,
coffee ke gum mein khoye hue
par coffe to samandar ban gayi
mujhe chaaand ke sahare chhod kar
meri neend mein ghul gayi

aur chaand akele cgalta rahta hai

kuch der rukta hai meri khidki par

peepal par baith kar

sustata hai aur hum baatein kartein hain

afsaano ki,sachchai ki

meri coffee ko vo dudhiya banata hai

phir chaltein hain hum dono apne raste

main khayaalon mein vo aasmaano mein

vo poochta hai haal sawaal saal dar saal,

main use kori daleelon se bahlata hoon,

aur phir din ho jata hai

aur main so jata hoon

aur main so jata hoon................

APNA APNA AASMAAN

Saahil dhoop laherein aur mein, yuhi ik bekar dopehar, sagar mein ek k mustakbil ko samajhte,
uske mustakbil ko banate bigadte,
har koi apna asar dhoondta,
uske hone naa hone mein,


laheron ka manna ki vo kashti reham karti hai
isliye vo kashti bahti hai,
saahil ko panah dene ka guroor,
dhoop bhi kahti hai apni roshni k afsane,
aur main sochta hoon,gar duba dun main ise,
rah jayega inka gurur dhuan banke,
par sochta hooon phir main,
inke guroor se nafrat sahi,

par kashti ka kya dosh,
jo duba du use main,
kyonki vo to tufaano mein bhi jaati hain,
vo to kali raaton ko bhi aazmaati hai,
aur kahan use saahil ka pataa hota hai,
kashti to apna naseeb khud bnati hai,
laheron ko cheerte hue,aage nikalti jaati hai,

aur phir main hasaa saahil par,dhoop par,laheron par,
jo apne hone pe,hain bahke se guroor mein,suroor mein,
jo bhul jaate hain, kashti ki himmat,

allah mein vo guroor kahan,
vo to unmein hain,
jinme uskaa suroor nahi

tabhi to laherein chattano se takra kar fanaa ho jaati hain,
aur saahil hamesha akela reh jaata hai,
aati jaati laheron ke beech,
ek saath ko tarasta hai,
aur dhoop to roz hi dhal jaati hai
dekhte hi dekhte subah se shaam ho jaati hai,

aur yeh guroor to dukh aur kamzoriyan,
chipane ka ek bahana hai,

sabke apne aayiane hain,
sabko khud se sharmana hai........


mustakbil=future

back toooooo blooogging

हाँ भाई वापस आ गया बकवास लिखने